വർണ്ണക്കാഴ്ചകൾ

ഹ്മ്ം കുറച്ച് ലേറ്റായി പോയ്. എന്ത് ചെയ്യാനാ ട്രെയിനും ബസും ഒരുമിച്ച് കിട്ടാനില്ലെന്നേ . ദാ കിട്ടിയപ്പോ ട്രെയിന് + ഷെഡ് + ബസ് + റോഡ് + കെട്ടിടം + മരം+ ആകാശം (ഇനി വല്ലതുമുണ്ടോ?) എല്ലാം കൂടി ഒത്തു. റാഷിദിയ, ദുബായ് RTA ഓഫീസിനടുത്ത് വച്ചിരിക്കുന്ന ട്രെയിന് ബോഗി. ദുബായ് മെട്രോ തുടങ്ങുന്ന സമയത്ത് ആദ്യം പ്രദര്ശനത്തിനു വന്നത് ഈ ബോഗി ആണെന്ന് തോന്നുന്നു.

വഴിയോരത്താകെ പൂത്തു നില്ക്കുകയാണ്. വേനല് വന്നത് അറിഞ്ഞിരുന്നോ ആവോ??

കൈ കൊണ്ട് നിഴല് ചിത്രങ്ങൾ ഉണ്ടാക്കാറില്ലേ? എന്റെ ഒരു സഹപ്രവർത്തകൻ ഷാനി, മുൻപൊരിക്കൽ "ദേഖോ ... ചഷ്മാ" എന്നു പറഞ്ഞ് കൈ വിരലുകൾ പിണച്ച് മുഖത്ത് വച്ച് കണ്ണടയുണ്ടാക്കി. അന്നു പിന്നെ അതനുകരിക്കൽ ആയിരുന്നു :) കൈ ക്രോസ് ചെയ്ത്, പുറം ചേർത്ത് പിടിച്ച് ചെറു വിരലുകൾ തമ്മിലും മോതിരവിരലുകൾ തമ്മിലും പിണച്ച്, ചൂണ്ടുവിരലുകൾ മുദ്രയാക്കി (ദ്വിമുദ്ര, അതെന്തെന്ന് അറിയാത്തവര് ചതിക്കാത്ത ചന്തുവിലെ സലിം കുമാറിന്റെ ഡാന്സ് സീന് കാണൂ:) എന്നിട്ട് മുഖത്ത് ചേർത്ത്, കണ്ണ് മിഴിച്ച്പിടിച്ച്... [ -ഇതെന്റെ ആത്മഹത്യാ ഇവന്റ് അല്ല, പ്ലീസ്, ആക്കരുത്- :)]

...